Прафсаюзны лідар Бабруйска Людміла Балакер: тыя чаканні, якія ўскладаліся грамадствам на пасланне Прэзідэнта, адназначна апраўдаліся

Людміла Балакер, старшыня Бабруйскага гарадскога аб’яднання прафсаюзаў:

– Хачу адзначыць: тыя чаканні, якія ўскладаліся грамадствам на пасланне, адназначна апраўдаліся. Прэзідэнтам былі прааналізаваны асноўныя выклікі, з якімі сутыкнулася наша дзяржава ў апошні час, дадзены адказы на хвалюючыя пытанні і агучаныя планы на перспектыву.

Чарговы раз Прэзідэнт падкрэсліў, што краіна захоўвае сацыяльна арыентаваны курс. Гэта бясплатная адукацыя, ахова здароўя, Гарантаванае пенсійнае забеспячэнне, падтрымка малаабароненых катэгорый насельніцтва, моладзі, захаванне гістарычнай праўды. Прэзідэнт выказаўся і на тэму санкцыйнага ціску, пазначыўшы, як павінна развівацца краіна ў гэтых умовах. Ён патлумачыў, што ў выніку санкцыйнага супрацьстаяння Беларусь намацвае новыя пункты росту, выбудоўваючы экспартна арыентаваную эканоміку. А так званыя суайчыннікі, якія заклікаюць да санкцый, як падкрэсліваў кіраўнік дзяржавы, здзяйсняюць злачынства супраць уласнага народа. Гэту пазіцыю падзяляюць прафесійныя саюзы, якія і раней выказвалі адмоўнае стаўленне да санкцый. ФПБ заўсёды выступае ў абарону інтарэсаў працоўных, а любыя санкцыйныя дзеянні – гэта ўшчамленне права людзей на працу.

bobrlife.by