Прамую тэлефонную лінію правядзе 14 верасня намеснік старшыні Магілёўскага аблвыканкама Руслан Страхар

Прамую тэлефонную лінію правядзе 14 верасня намеснік старшыні Магілёўскага аблвыканкама Руслан Барысавіч Страхар. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Курыруюцца напрамкі: эканоміка, цэнаўтварэнне, інвестыцыйная дзейнасць, статыстыка і аналіз, каштоўныя паперы, прадпрымальніцтва, праца і заработная плата, занятасць, гандаль, аказанне паслуг насельніцтву, страхавая дзейнасць, мытная справа, дзяржаўныя знакі, каштоўныя металы, развіццё прамысловасці, паліўна-энергетычны комплекс вобласці і яго эфектыўнасць, якасць і канкурэнтаздольнасць прадукцыі прамысловасці, навуковая, навукова-тэхнічная і інавацыйная дзейнасць, інтэлектуальная ўласнасць, стандартызацыя.

Падчас прамой лініі будуць таксама выслуханы думкі грамадзян па пытанні арганізацыі работы лазняў і душавых у дачыненні да населенага пункта па месцы іх пражывання, а таксама прапановы па паляпшэнні работы ў адзначаным кірунку.

Адначасова са сваімі праблемамі да намесніка старшыні гарвыканкама Алы Аляксандраўны Галушкі насельніцтва Магілёва зможа звярнуцца па тэлефоне (8 0222) 42-21-02. Намеснік кіраўніка адміністрацыі Ленінскага раёна горада Магілёва Андрэй Віктаравіч Кашэўскі адкажа па тэлефоне (8 0222) 72-31-38, кіраўнік спраў адміністрацыі Кастрычніцкага раёна горада Магілёва Людміла Андрэеўна Несцер – (8 0222) 42-30-42.

З жыхарамі Бабруйска будзе працаваць намеснік старшыні гарвыканкама Вікторыя Анатольеўна Амялюсік – (8 0225) 76-21-41. Намеснік кіраўніка адміністрацыі Ленінскага раёна Бабруйска Віталь Антонавіч Грахоўскі дапаможа разабрацца з пытаннямі па нумары (8 0225) 76-52-33, а намеснік кіраўніка адміністрацыі Першамайскага раёна Бабруйска Алена Валер’еўна Канцавая – (8 0225) 77-75-17.

У суботу з 9.00 да 12.00 прамыя тэлефонныя лініі пройдуць таксама ва ўсіх райвыканкамах Магілёўскай вобласці.