20.08.2026 - 14:22

Прэзідэнт Беларусі Аляксандр Лукашэнка 20 жніўня падпісаў указ №277 «Аб развіцці гандлю, грамадскага харчавання і бытавога абслугоўвання на тэрыторыі сельскай мясцовасці і малых гарадскіх паселішчаў». Аб гэтым паведамілі ў прэс–службе кіраўніка дзяржавы.

Дакумент накіраваны на паляпшэнне гандлёвага абслугоўвання, павышэнне яго якасці і стварэнне дадатковых умоў для развіцця гандлю, грамадскага харчавання і бытавога абслугоўвання ў вёсцы.

З гэтай мэтай на мясцовым узроўні выбудоўваецца сістэма – звод норм – для сфер гандлю, грамадскага харчавання, бытавога абслугоўвання. Улічваюцца, з аднаго боку, пажаданні жыхароў сельскай мясцовасці, з другога – эканамічныя інтарэсы суб'ектаў гандлю.

Указам устаноўлена, што гандаль, бытавое абслугоўванне і работа грамадскага харчавання ў вёсцы ажыццяўляюцца з улікам асаблівасцей. У прыватнасці, па падаткаабкладанні, арганізацыі работы аўтамагазінаў (з абавязковым вызначэннем маршрутаў, указаннем перыядычнасці руху, часу і месцаў прыбыцця), адчужэнні на аплатнай аснове нерухомай маёмасці.

Прадугледжана персанальная адказнасць старшынь абласных і раённых выканкамаў, а таксама кіраўнікоў суб'ектаў гандлю за забеспячэнне належнага гандлёвага абслугоўвання жыхароў сельскай мясцовасці.

Указ падрыхтаваны ў адпаведнасці з патрабаваннямі і даручэннямі кіраўніка дзяржавы на выязной нарадзе па пытаннях забеспячэння сельскага насельніцтва шырокім асартыментам тавараў пад поўную патрэбнасць, якая адбылася ў Вілейцы 7 жніўня 2026 года.

Раней дзеючыя прававыя акты ў названай сферы прызнаюцца страціўшымі сілу.

БЕЛТА