ПереводчикДзмітрый Крутой на «Дажынках» у Шклове расказаў пра поспехі Магілёўскай вобласці
У час урачыстай цырымоніі ўзнагароджвання на абласным фестывалі–кірмашы «Дажынкі–2026» у Шклове кіраўнік Адміністрацыі Прэзідэнта Дзмітрый Крутой расказаў пра поспехі і дасягненні Магілёўскай вобласці ў рабоце аграпрамысловага комплексу.
Дзмітрый Крутой зачытаў прывітальны адрас Прэзідэнта, а пасля дадаў: Аляксандр Лукашэнка яшчэ раз акцэнтаваў увагу на галоўнай задачы кіраўніка Адміністрацыі Прэзідэнта адносна Магілёўскай вобласці. «Яна нязменная – кожны год рэгіён павінен пакрыху прыбаўляць ва ўсіх напрамках, – сказаў ён. – І я лічу, што аграрнай сферы гэта ўдаецца – намалот у бягучым годзе 1,3 млн т. У мінулым годзе на »Дажынках« у Крычаве мы ўжо гаварылі аб тым, што гэты паказчык уваходзіць у пяцёрку лепшых рэзультатаў Магілёўскай вобласці на працягу перыяду нашай незалежнасці. І сёння мы ўжо атрымалі такі ж рэзультат. А наперадзе – прадаўжэнне ўборкі кукурузы, таму лічба яшчэ будзе расці».
Такія высокія паказчыкі, адзначыў Дзмітрый Крутой, як звычайная планка, новы стандарт у рабоце рэгіёна. І ў гэтым – поспех работы ўсёй аграрнай сістэмы, якую сур'ёзна падцягнулі па ўсіх напрамках: сяўба азімых, узворванне, рамонт тэхнікі, работа з угнаеннямі, насеннем, узмацненне тэхналагічных рэгламентаў. Усё гэта дае добры рэзультат.
«Поспехі раслінаводства ствараюць адпаведную кармавую базу. Літаральна па ўсіх відах кармоў рэгіён апошнія тры гады прыбаўляе не на адзін, не на два, не на тры, а на 10–20%, – падкрэсліў кіраўнік Адміністрацыі Прэзідэнта. – А гэта фундамент для мяса і малака. На »Дажынках« мы бачым, якую разнастайнасць прадуктаў харчавання вырабляе рэгіён. І ў цэлым разам з будаўніцтвам інвестыцыйных аб'ектаў, якія запланаваны, – малочна–таварныя комплексы, прафілакторыі, свінагадоўчыя комплексы – рэгіён амаль усё ўводзіць датэрмінова. Усё гэта дасць магчымасць нам дасягнуць значнага рэзультата праз 3–4 гады, выканаць тыя паказчыкі, якія даведзены ў рамках праграмы да 2030 года, і выйсці на новы ўзровень».