Месцы росту чырвонакніжных відаў у Бялыніцкім раёне перададзены пад ахову лясгасу

У Бялыніцкім раёне перададзены пад ахову месцы вырастання дзікарослых раслін, якія адносяцца да відаў, уключаных у Чырвоную кнігу. Адпаведнае рашэнне Бялыніцкага райвыканкама №1-35 апублікавана на Нацыянальным прававым інтэрнет-партале.

Згодна з рашэннем месцы вырастання чырвонакніжных відаў перададзены пад ахову дзяржаўнай установе «Бялыніцкі лясгас». У спіс увайшлі такія віды, як журавіны дробнаплодныя і расянка прамежкавая. Усяго плошча перададзеных пад ахову месцаў склала больш за 170 га.

Акрамя таго, дакумент зацвярджае ахоўныя абавязацельствы і пашпарты месцаў вырастання дзікарослых раслін. Рашэнне набывае моц пасля яго афіцыйнага апублікавання.

БЕЛТА