18.03.2026 - 16:38

Асіповічы 28 сакавіка стануць цэнтрам прыцягнення для ўсіх, хто дыхае сцэнай. Тут пройдзе І Адкрыты рэгіянальны фестываль «Тэатральныя сустрэчы».

Удзельнічаць у ім будуць тэатральныя калектывы і індывідуальныя выканаўцы ўстаноў культуры, дзіцячых школ мастацтваў, устаноў адукацыі. Журы будзе ацэньваць выступленні па некалькіх намінацыях: мастацкае слова (маналог, літаратурна–музычная кампазіцыя), тэатральны жанр (драматычны тэатр, музычны тэатр, эстрадны тэатр, тэатр лялек, пластычны тэатр).

– Гэта будуць не проста паказы, а сапраўдны дыялог душ. Фестываль падорыць магчымасць убачыць, як тут і зараз нараджаецца мастацтва, – інтрыгуюць арганізатары. – Кожны глядач зможа падарыць сабе цэлы дзень, напоўнены мастацтвам.

Асноўная мэта фестывалю – падтрымка і папулярызацыя аматарскай тэатральнай творчасці.

СБ