У Чэрыкаўскім лясгасе рэалізуецца праект па мадэрнізацыі дрэваапрацоўчай вытворчасці

У цэху па дрэваперапрацоўцы Чэрыкаўскага лясгаса вядзецца мантаж новай лініі лесапілавання, якая дасць магчымасць павялічыць аб'ёмы вытворчасці піламатэрыялу і знізіць затраты.

Цэх па дрэваапрацоўцы размешчаны ў вёсцы Гронаў. З уводам новай лініі будуць створаны новыя працоўныя месцы, вытворчасць будзе працаваць у дзве змены.

Начальнік цэха Віталь Рыбянкоў падкрэслівае, старая лінія маральна састарэла, дзякуючы мадэрнізацыі павысіцца прадукцыйнасць працы. Абсталяванне дарагое - коштам каля 1 мільёна 100 тысяч беларускіх рублёў, плюс было пабудавана новае вытворчае памяшканне, устаноўлены больш магутныя трансфарматарныя падстанцыі.

Спецыялісты тлумачаць, дзякуючы новай лініі пашырыцца як дыяпазон драўніны, якая апрацоўваецца, так і аб'ёмы перапрацоўкі, што дасць магчымасць нарасціць павялічыцца экспартная адгрузка піламатэрыялаў.

Як паведамілі ў Магілёўскім дзяржаўным вытворчым лесагаспадарчым аб'яднанні, у рамках галіновай праграмы Мінлясгаса такая мадэрнізацыя дрэваапрацоўчых вытворчасцей вядзецца таксама ў Магілёўскім, Клімавіцкім і Бялыніцкім лясгасах.

СБ