23.02.2026 - 09:35

У Клімавічах напярэдадні Дня абаронцаў Айчыны і Узброеных Сіл Рэспублікі Беларусь адбыўся па-сапраўднаму гарачы «Забег сапраўдных мужчын». Нягледзячы на мароз, на старт выйшлі тыя, хто гатовы даказаць - для сілы духу і волі да перамогі надвор'е не мае значэння.


Арганізатарамі яркага спартыўнага свята выступілі мясцовая дзіцяча-юнацкая спартыўная школа і сектар спорту і турызму райвыканкама.

Гэта было не проста спаборніцтва, а праверка на трываласць. Каб дадаць драйву і прадэманстраваць сапраўдную загартоўку, многія ўдзельнікі пераадолелі дыстанцыю з аголеным торсам. Гледачы падтрымлівалі смельчакоў апладысментамі, а самі бегуны зараджалі навакольных энергіяй і бадзёрасцю.


На фінішы кожнага ўдзельніка чакала заслужаная ўзнагарода - памятны медаль. А прыемным бонусам для ўсіх атлетаў стала магчымасць сагрэцца ў сауне пасля марознага забегу.


СБ, фота газеты «Родная ніва»