27.07.2026 - 09:47

Як прыцягваюць кадры ў сельскую гаспадарку, расказала генеральны дырэктар агракамбіната «Зара» Кацярына Зароўская ў эфіры тэлеканала «РТР–Беларусь».

Для супрацоўнікаў будуецца жыллё. Два гады таму здадзены трохпавярховы двухпад'язны жылы дом на 24 кватэры. Таксама вядзецца работа па паляпшэнні ўмоў для работнікаў. «Сельская гаспадарка – складаны працэс, дзе няма перапынкаў, трэба прытрымлівацца тэхналогій, – адзначыла кіраўнік прадпрыемства. – Асноўная задача – зрабіць так, каб аблегчыць працу, мінімізаваць чалавечы ўдзел і практычна аўтаматызаваць усё».

Сярэдні заробак па гаспадарцы – 2280 рублёў. Маладыя спецыялісты атрымліваюць каля 1,5 тыс. рублёў, але для іх прадугледжаны льготы ў плане падаходнага падатку, кампенсуецца кошт арэнды жылля. Прадпрыемства з'яўляецца заказчыкам кадраў па мэтавай падрыхтоўцы, супрацоўнічае з рознымі ўстановамі адукацыі.

На балансе прадпрыемства знаходзіцца 16 тыс. га зямель у Магілёўскім і Чавускім раёнах, а ў хуткім часе чакаецца пашырэнне за кошт тэрыторый Дрыбінскага раёна. «Асноўнае багацце, асноўная стабільнасць сёння – тое, што дае зямля. Прыраслі ў два разы», ​​– адзначыла Кацярына Зароўская.

Гаспадарка пашырае асартымент прадукцыі, развівае фірмовую гандлёвую сетку.

БЕЛТА