Рэктар МДУ імя Куляшова: у краіне ёсць усе ўмовы для рэалізацыі патэнцыялу і амбіцый маладых вучоных

У Беларусі ёсць усе ўмовы для рэалізацыі патэнцыялу і амбіцый маладых вучоных. Такім меркаваннем падзяліўся рэктар Магілёўскага дзяржаўнага ўніверсітэта ім. А.А.Куляшова Дзяніс Дук.

«У Беларусі створаны ўсе неабходныя ўмовы для рэалізацыі патэнцыялу і амбіцый маладых вучоных. На ўласным прыкладзе магу патлумачыць. Калі я пачынаў свой навуковы шлях, такія ўмовы працы ў нашай краіне нават уявіць сабе не мог. Сёння не проста існуюць, а эфектыўна працуюць праграмы па падтрымцы маладых вучоных, вельмі развіта грантавая падтрымка: пачынаючы са школьнай лавы, да студэнцтва і далей, заканчваючы масцітымі вучонымі і членамі-карэспандэнтамі. Любы этап станаўлення вучонага ў нашай краіне знаходзіць падтрымку», - падкрэсліў ён.

Па словах рэктара магілёўскай вну, яшчэ адзін важны факт - умацаванне матэрыяльна-тэхнічнай базы. «І гэта немалаважна. Ёсць галіновыя праграмы, якія ўкладаюць грошы ў прыярытэтныя кірункі развіцця эканомікі, сацыяльнай сферы. Усё гэтага дарагога каштуе, - сказаў ён. - Але гэта ўсё было б другасна, калі б не было самага галоўнага - смагі ў маладых навукоўцаў быць першаадкрывальнікамі, жадання прынесці карысць, самарэалізавацца не за кошт іншых, а для іншых. І вось тады гэтыя рабяты, гэтыя маладыя навукоўцы пройдуць усе ступені матэрыяльнага і маральнага заахвочвання. Гэта прыкладзецца да іх талентаў і здольнасцяў».

Як падкрэсліў Дзяніс Дук, сучасныя вну даюць студэнту права рэалізавацца не толькі ў вучобе, але і ў многіх іншых напрамках. «Навука - вялізная праца. Гэта праца адна з самых цяжкіх і ў той жа час самая цікавая. Прыемна адзначыць, што моладзь актыўна займаецца навуковай дзейнасцю. У нашай вну дакладна вызначана сфера дзейнасці - сацыяльная. Нашы студэнты могуць рэалізаваць свае таленты ў валанцёрскай дзейнасці альбо ў грамадскай працы ці навуковай дзейнасці, якая таксама непарыўна звязана з сацыяльнай сферай нашага жыцця», - адзначыў ён.

БЕЛТА