Рэспубліканскі семінар упраўленняў па грамадзянстве і міграцыі праходзіць у Магілёве

У абласным цэнтры праходзіць двухдзённы навучальна-метадычны збор для супрацоўнікаў падраздзяленняў па грамадзянстве і міграцыі краіны.

«Мэта нашай сустрэчы - не толькі абмеркаваць праблемныя аспекты, з якімі мы сутыкаемся ў службовай дзейнасці, але і падзяліцца вопытам пры іх вырашэнні», - адзначыла першы намеснік начальніка Дэпартамента па грамадзянстве і міграцыі МУС палкоўнік міліцыі Іна Студзенічнік.

На парадку дня праваахоўнікаў стаялі пытанні, якія датычацца знаходжання іншаземцаў на тэрыторыі нашай краіны і спецыфікі ажыццяўлення міграцыйнага кантролю ў рэгіёнах. Удзельнікі сустрэчы асобна спыніліся на вядзенні адміністрацыйных працэдур пры рабоце з замежнымі грамадзянамі і асобамі без грамадзянства ў розных галінах.

Акрамя таго, праваахоўнікі наведалі мемарыяльны комплекс «Батальён міліцыі пад камандаваннем К.Г. Уладзімірава» ў вёсцы Гаі. Тут яны ўсклалі кветкі і ўшанавалі памяць байцоў, якія баранілі Магілёў ад нямецка-фашысцкіх захопнікаў і загінулі ў ліпені 1941 года.

Падчас агляднай экскурсіі па знакавым для кожнага міліцыянера месцы госці даведаліся пра подзвіг легендарнага батальёна і пазнаёміліся з гісторыяй станаўлення міліцыі Магілёўшчыны.

mogilev.mvd.gov.by/ru