Рэспубліканскія спаборніцтвы па суднамадэльным спорце ў рамках XXII рэспубліканскай спартакіяды «ТэхнаСпорт» прайшлі ў Бабруйску

З 11 па 13 чэрвеня ў дзяржаўнай установе адукацыі «Цэнтр дадатковай адукацыі дзяцей і моладзі Бабруйска» праходзілі спаборніцтвы па суднамадэльным спорце. У іх удзельнічалі больш за 55 спартсменаў з Магілёўскай, Мінскай, Гомельскай, Віцебскай, Брэсцкай, Гродзенскай абласцей і Мінска. Пра гэта расказалі ў Нацыянальным дзіцячым тэхнапарку.

Удзельнікі запускалі суднаходныя мадэлі на возеры Лясное, размешчаным на тэрыторыі санаторыя «Шыннік». Па выніках спаборніцтваў былі вызначаны пераможцы ў камандным заліку сярод абласцей:

1 месца - Мінская вобласць,

2 месца - Гродзенская вобласць,

3 месца - г. Мінск.

Арганізатарам Спартакіяды з'яўляецца Міністэрства адукацыі Рэспублікі Беларусь сумесна з Нацыянальным дзіцячым тэхнапаркам.

Рэд., фота прадстаўлены арганізатарамі спаборніцтваў