Адзіны дзень інфармавання прайшоў у ААТ «Будаўнічы трэст № 13». З калектывам прадпрыемства правёў сустрэчу міністр архітэктуры і будаўніцтва Руслан Пархамовіч. На сходзе прысутнічалі таксама намеснік старшыні Магілёўскага аблвыканкама Сяргей Маслаў і першы намеснік старшыні Бабруйскага гарвыканкама Ігар Кісель.
Галоўнай тэмай абмеркавання сталі вынікі VI Усебеларускага народнага сходу, найбольш пільная ўвага – будаўнічай сферы.
«Асноўнай мэтай будаўнічага комплексу на найбліжэйшую пяцігодку стане жыллёвае будаўніцтва, у тым ліку і з дзяржпадтрымкай – для грамадзян, якія стаяць на ўліку маючых патрэбу, – падкрэсліў у гутарцы з працоўным калектывам Руслан Пархамовіч. – Асаблівая роля будзе адведзена будаўніцтву арэнднага жылля. Увагу нададуць і індывідуальнай забудове. Плануецца, што штогадовы аб’ём будаўніцтва такога жылля павінен скласці не менш за 40% ад агульнага аб’ёму. У дырэктыве таксама стаіць задача пры праектаванні і будаўніцтве максімальна выкарыстоўваць у жылым фондзе электрычную энергію, яна будзе прымяняцца для ацяплення, гарачага водазабеспячэння і прыгатавання ежы. У цэлым жа тэмпы будаўніцтва будуць расці і да 2025 года мы павінны выйсці на 4.5 млн.кв. м. уводзімага штогод жылля».
Не засталося на сустрэчы без увагі і пытанне далейшага развіцця ААТ «Будаўнічы трэст №13», якому трэба будзе праходзіць працэдуру санацыі.
«На мой погляд, сёння мясцовыя органы ўлады прымаюць дастаткова кампетэнтныя рашэнні па забеспячэнні ахоўнага перыяду прадпрыемства: каб можна было перавесці дух і з дапамогай працы на субпадрадзе стабілізаваць усе фінансавыя патокі і выйсці на планамерны рост, – пракаментаваў сітуацыю Руслан Пархамовіч. – Пытанне ліквідацыі вельмі заўчаснае. Я лічу, што прадпрыемству пад сілу выйсці са становішча, заняць пэўную нішу, працягваць працаваць, нарошчваючы тэмпы, і стабілізаваць сваю сітуацыю».
Пры выкарыстанні матэрыялаў актыўная гіперспасылка на mogilev-region.gov.by абавязковая
25.05.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35