11.11.2025 - 14:53

У Горках праходзіць семінар-вучоба з работнікамі па штучным асемяненні жывёл сельскагаспадарчых арганізацый Магілёўскай вобласці.

У рабоце мерапрыемства прымаюць удзел прадстаўнікі аблвыканкама, Міністэрства сельскай гаспадаркі і харчавання, намеснікі начальнікаў упраўленняў (начальнікі аддзелаў, галоўныя спецыялісты) па сельскай гаспадарцы і харчаванні раённых камітэтаў, якія курыруюць пытанні жывёлагадоўлі, начальнікі філіялаў РУСВП «Магілёўскае Дзяржплемпрадпрыемства», начальнікі ветэрынар- спецыялісты па штучным абнасеньванні жывёл сельгасарганізацый, студэнты факультэта біятэхналогіі і аквакультуры УА «БДСГА».

Стартаваў семінар-вучоба з дэгустацыі прадукцыі, якая вырабляецца перапрацоўчымі прадпрыемствамі вобласці. Гэта выдатная дэманстрацыя якасці і разнастайнасці мясцовых тавараў.
 
Адкрываючы мерапрыемства, старшыня камітэта па сельскай гаспадарцы і харчаванні Магілёўскага аблвыканкама Анатоль Ланкуць зазначыў, што ў зале сабраліся людзі, якія непасрэдна забяспечваюць развіццё жывёлагадоўчай галіны.

— Дзякуючы вашай зладжанай і адказнай працы мы сёння маем дастатковую колькасць жывёлагадоўчай прадукцыі не толькі для Магілёўскай вобласці, але і для паставак у іншыя краіны, — сказаў ён.

У ходзе семінара абмеркавалі пытанні ўзнаўлення статка ў сельскагаспадарчых арганізацыях і праблемныя пытанні, а таксама арганізацыю штучнага абнасеньвання маткавага пагалоўя і ўлік у гаспадарцы. Паглядзелі навучальны фільм па пытаннях штучнага абнасеньвання маткавага пагалоўя буйной рагатай жывёлы.

Генеральны дырэктар РУСВП «Магілёўскае Дзяржплемпрадпрыемства» Сяргей Андруш расказаў аб выніках работы па штучным абнасеньванні жывёл за 2024-2025 год і перспектывах павышэння эфектыўнасці племянной работы.

 mogilevnews.by