Напярэдадні летніх канікулаў адбыўся традыцыйны сход абласнога бацькоўскага актыву «Эфектыўнае лета-2024».
Галоўная мэта такіх сходаў - павышэнне пісьменнасці бацькоў у пытаннях арганізацыі летняга адпачынку дзяцей і інфармаванне ў пытаннях бяспекі жыццядзейнасці маладога пакалення.
У час дыялога спікеры абмеркавалі пытанні адказнасці бацькоў і школы за выхаванне дзяцей, нагадалі аб метадах бацькоўскага кантролю ў інтэрнеце, пагаварылі аб прафілактыцы злачынстваў супраць палавой недатыкальнасці, наркаманіі, гібелі і траўміравання дзяцей.
Толькі сумеснай працай можна зрабіць адпачынак дзяцей карысным, актыўным, а галоўнае - бяспечным.
- Сёння з бацькоўскім актывам вобласці мы ўзнялі вельмі важныя тэмы: забеспячэнне працоўнай занятасці моладзі, захаванне іх жыцця і здароўя, а таксама магчымыя варыянты правядзення вольнага часу падчас летніх канікулаў.
У першую чаргу бацькі могуць адправіць дзяцей у аздараўленчыя лагеры. У нашай вобласці іх дастаткова шмат, прычым розных напрамкаў і профіляў: ваенна-патрыятычныя, мастацка-эстэтычныя і іншыя.
Але самая галоўная задача - гэта зберагчы дзяцей ад тых дзеянняў, якія могуць нашкодзіць іх здароўю і бяспецы.
У сувязі з гэтым адбыліся пасяджэнні раённых і гарадскіх актываў, бацькоўскія сходы, інструктажы з навучэнцамі. У першую чаргу гаварылі аб правілах паводзін на вадзе, у лесе і проста ў навакольным свеце.
Таксама варта адзначыць, што для правядзення карыснага баўлення вольнага часу будуць адкрыты стадыёны, аб'яднанні па інтарэсах, установы культуры і спорту.
Аднак важна, каб быў кантроль і з бацькоўскага боку. Бацькі, памятайце, вы - адказныя за жыцці і здароўе сваіх дзяцей! - Пракаментавала намеснік начальнік галоўнага ўпраўлення па адукацыі Магілёўскага аблвыканкама Ірына Кускова.
- Хацелася б адзначыць фактары рызыкі: вадаёмы, пустуючыя будынкі, аб'екты транспарту, асабліва чыгуначнага, а таксама веласіпеды, мапеды, іншыя сродкі індывідуальнай мабільнасці, і, вядома ж, адчыненыя вокны. Памятайце, што маскітныя сеткі не ратуюць ад падзення!
У вобласці ўжо загінулі шэсць дзяцей, кожны факт гібелі дзіцяці - гэта трагедыя. Паважаныя бацькі, надайце пільную ўвагу сваім дзецям, раскажыце ім пра элементарныя правілы бяспечных паводзін. Беражыце сваіх дзяцей! - заключыла начальнік аддзела пракуратуры Магілёўскай вобласці Святлана Кашнярова.
Пры выкарыстанні матэрыялаў актыўная гіперспасылка на mogilev-region.gov.by абавязковая
20.06.2024 - 17:11
Міжнародны маладзёжны ваенна-патрыятычны праект «Дарогамі Памяці і Славы» стартуе 22 чэрвеня
20.06.2024 - 16:43
Таццяна Ларына ўзначаліла абласное аддзяленне саюза журналістаў
20.06.2024 - 14:47
Новыя футурыстычныя прыпынкі ўпрыгожылі праспект Дзімітрава ў Магілёве
19.06.2024 - 18:21
19.06.2024 - 10:58
У Магілёве ўзнагародзілі пераможцаў конкурсу «І перамога на ўсіх адна»