Слаўгарад увайшоў у кадастр «Цытадэляў мужнасці»

На публічнай кадастравай карце абноўлены інфармацыйны слой «Цытадэлі мужнасці», які дапоўнілі шэсць беларускіх гарадоў, паведамілі ў Нацыянальным кадастравым агенцтве.

Прэзідэнт Беларусі Аляксандр Лукашэнка 8 красавіка падпісаў указ нумар 144 «Аб узнагароджанні вымпелам «За мужнасць і стойкасць у гады Вялікай Айчыннай вайны». Вымпелам узнагароджаны шэсць гарадоў Беларусі, якія з'яўляюцца прыкладам подзвігу і ўсенароднага супраціўлення, праяўленых у гады Вялікай Айчыннай вайны, - Кобрын, Рэчыца, Слонім, Сянно, Слаўгарад і Смалявічы.

Гэтыя гарады былі нанесены на інфармацыйны слой «Цытадэлі мужнасці» публічнай кадастравай карты, які цяпер змяшчае інфармацыю аб 42 населеных пунктах нашай краіны.

БЕЛТА