RU BY EN 中文
Twitter Instagram

Сорак гадоў Аляксандр Лапацентаў узначальвае СВК «Калгас “Радзіма”» Бялыніцкага раёна

26 лютага спаўняецца роўна сорак гадоў, як Аляксандр Міхайлавіч Лапацентаў узначаліў СВК «Калгас “Радзіма”» Бялыніцкага раёна. Гэта адно з нешматлікіх такога роду сельгаспрадпрыемстваў, якія засталіся з савецкага мінулага. І вось ужо 40 гадоў са сваіх 66 Аляксандр Міхайлавіч на сваім нязменным пасту. Пра такіх людзей звычайна кажуць: дзе нарадзіўся, там і прыгадзіўся.

Аляксандр Лапацентаў зрабіў са свайго калгаса тое, аб чым марылі ўсе савецкія людзі, – квітнеючую дзяржаву ў дзяржаве, даказаўшы ўсім, што мы паспяшаліся адрачыся ад вялікай краіны і яе ідэалаў. Тут, у Вішове, кожны крок чалавека вымяраецца яго асабістым дабрабытам, шчасцем яго сям’і, цэментуе моц і росквіт гаспадаркі і краіны.

Аляксандр Міхайлавіч – асоба выдатная і ўнікальная. І як Кіраўнік, і як Чалавек. Усё з вялікай літары. Высокі прафесіяналізм, жыццялюбства, спакой, упэўненасць, мудрая хітрасць, гасціннасць, ветлівасць і цеплыня... Ды хіба можна ўсё пералічыць, што заўсёды захапляе і радуе ва ўсім чалавечым пры кожнай сустрэчы з ім?! А якой любоўю і павагай ён карыстаецца ў вяскоўцаў!

Напэўна, многія з вас чулі выступленне на VI Усебеларускім народным сходзе простага механізатара з гэтай гаспадаркі – Мікалая Дарэчкіна – і пазайздросцілі шмат чаму са сказанага: пра зарплату ў гаспадарцы (яна тут больш за 2 тысячы рублёў на месяц), пра ўмовы працы і адпачынку, пра матывацыі добра працаваць і жыць у вёсцы. Гэта прызнанне красамоўнейшае за любыя статсправаздачы, хоць яны ў «Радзіме» заўсёды, нягледзячы на любое надвор’е, самыя высокія на Магілёўшчыне.

Як добра, што ёсць у нашым жыцці такія людзі. Дзякуй Вам, Аляксандр Міхайлавіч, за самаадданае служэнне і адданасць вяскоўцам, сапраўднае служэнне роднай зямлі. Вы ўсім нам падалі ўрок праўды: як можна любіць сваю малую радзіму і зрабіць яе шчаслівай для вяскоўцаў.

Моцнага Вам здароўя, шчасця, душэўнай стойкасці, упэўненасці ў сваіх сілах і аптымізму. Хай заўсёды побач з вамі будуць вашы родныя і сябры, а ў Вашым доме пануюць дабрабыт, любоў і паразуменне!

zilmogilev.by, фото СБ

Пры выкарыстанні матэрыялаў актыўная гіперспасылка на mogilev-region.gov.by абавязковая