XVI адкрытая гарадская спартакіяда інваспорту «Залаты леў», прысвечаная Дню горада і Дню Незалежнасці Рэспублікі Беларусь, пройдзе 2-3 ліпеня ў абласным цэнтры. Пра гэта паведамілі ў аддзеле спорту і турызму гарвыканкама.
Па словах суразмоўцаў, за прызы турніру пазмагаюцца амаль 80 спартсменаў з Беларусі, Расіі і Украіны. Гонар Магілёва будуць адстойваць дзве дружыны, у склад якіх увойдуць 20 чалавек.
У праграме спартакіяды заяўлены такія віды спорту, як армрэстлінг, стральба з пнеўматычнай вінтоўкі (седзячы), дартс. Спартсмены паспрабуюць свае сілы ў гульнях карнхол, боча, новус і жульбак. Пераможцаў узнагародзяць кубкамі, медалямі і дыпломамі. Усім удзельнікам падораць вымпелы, сувеніры з сімволікай спартакіяды, а таксама памятныя фотадыпломы.
Асноўнай пляцоўкай мерапрыемства стане Лядовы палац. Пачатак спаборніцтваў – у 10.00.
Арганізатарамі спартакіяды выступаюць аддзел спорту і турызму гарвыканкама, упраўленне спорту і турызму аблвыканкама, грамадскае аб'яднанне «Магілёўская арганізацыя рэабілітацыі і спорту інвалідаў-калясачнікаў».
Пры выкарыстанні матэрыялаў актыўная гіперспасылка на mogilev-region.gov.by абавязковая
12.07.2024 - 09:21
Слонім і Бабруйск прымуць матчы 1/16 фіналу Кубка Беларусі па футболе
01.07.2024 - 10:27
Магілёўскі ЦАР выйграў усе матчы на старце чэмпіянату Беларусі па пляжным футболе
28.06.2024 - 16:13
25.06.2024 - 17:37
Магілёўскую вобласць на VIII Гульнях «Дзеці Азіі» ў Якуцку прадставяць 17 спартсменаў
25.06.2024 - 13:19
Адкрыты турнір «Кубак дружбы» па настольным тэнісе стартаваў у Магілёве