Барысаўскі БАТЭ і магілёўскі «Днепр» згулялі ўнічыю ў паядынку чэмпіянату Беларусі па футболе

У заключным матчы дзесятага тура футбольнага чэмпіянату краіны ў вышэйшай лізе барысаўскі БАТЭ і магілёўскі «Днепр» не выявілі пераможцу – 1:1.

Абедзве каманды разгубілі вельмі шмат ачкоў на папярэднім турнірным адрэзку і, зразумела, разлічвалі толькі на перамогу. Аднак, як нярэдка адбываецца тады, калі нічыя нікога не задавальняе, была зафіксаваная менавіта яна.

Гаспадары поля выйшлі наперад пасля дакладнага ўдару Анатоля Ярмоліча (55–я хвіліна). Аднак утрымаць лідэрства ў іх не атрымалася. Захар Гіцэлеў (79) аднавіў статус–кво. І больш забітых мячоў заўзятары, якія сабраліся на «Барысаў–Арэне», не дачакаліся.

Цалкам лічбавая карціна тура, матчы якога адбыліся 29–31 мая, выглядае наступным чынам: «Нафтан» (Наваполацк) – «Тарпеда–БелАЗ» (Жодзіна) – 0:4, «Мінск» – «Іслач» (Мінскі раён) – 1:1, «Арсенал» (Дзяржынск) – «Дзяржынск» «Дынама» (Брэст) — 2:1, «Нёман» (Гродна) — «МЛ Віцебск» — 1:2, «Віцебск» — «Баранавічы» — 2:3, «Славія» (Мазыр) — «Белшына» (Бабруйск) — 2:1, БАТЭ (Барысаў) — «Днепр».

Табліцу футбольнага чэмпіянату Беларусі ў вышэйшай лізе ўзначальвае «МЛ Віцебск», які мае 24 балы. Далей паслядоўна ідуць мінскае «Дынама» (23), «Гомель» (18), «Нёман» (17), «Мінск» (17), «Тарпеда–БелАЗ» (16), «Іслач» (16), брэсцкае «Дынама» (14), «Славія» (13), «Арсенал». «Белшына» (9), БАТЭ (8), «Днепр» (8), «Баранавічы» (8) і «Нафтан» (3).

У спісе бамбардзіраў на першым месцы знаходзіцца нападаючы «Гомеля» Цімафей Сіманенка, які забіў у бягучым першынстве шэсць мячоў.

СБ