31.07.2026 - 11:46

Пасля невялікага перапынку адновяцца матчы футбольнага чэмпіянату Беларусі сярод каманд вышэйшай лігі.

У стартавым паядынку другога круга магілёўскі «Днепр» прыме на сваёй арэне наваполацкі «Нафтан» (пачатак гульні ў 18.00; прамая трансляцыя на тэлеканале «Беларусь 5»). У гульні першага круга ў Наваполацку сапернікі разышліся мірам – 0:0. У 15 праведзеных матчах «Днепр» набраў 11 ачкоў і займае 13–е месца, а ў «Нафтана» усяго 6 заліковых балаў і апошняя, 16–я пазіцыя ў турнірнай табліцы.

Тры сустрэчы 16–га тура адбудуцца 1 жніўня. Футбалісты «Баранавічаў» згуляюць у сябе дома з «Іслаччу», якая займае трэцяе месца. «Гомель», які ідзе чацвёртым, будзе сапернічаць на сваёй арэне з «Віцебскам», а дзяржынскі «Арсенал» у Барысаве сустрэнецца з «Мінскам». У нядзелю, 2 жніўня, у Брэсце мясцовае «Дынама» сустрэнецца з бабруйскай «Белшынай». Матчы з удзелам беларускіх прадстаўнікоў у еўракубкавых турнірах перанесены на больш познія тэрміны: «Дынама» (Мінск) – «Славія» (Мазыр), БАТЭ (Барысаў) – «Нёман» (Гродна), «МЛ Віцебск» – «Тарпеда–БелАЗ» (Жодзіна).

Становішча ў лідзіруючай групе зараз такое: «Дынама» (Мінск) – 33 ачкі (14 матчаў), «МЛ Віцебск» – 31 (14), «Іслач» – 28 (14), «Гомель» – 26 (15). У канцы турнірнай табліцы знаходзіцца «Нафтан», у якога шэсць ачкоў, на тры балы больш у БАТЭ, па 11 ачкоў у актыве «Белшыны» і «Дняпра».

Бамбардзірскую гонку ўзначальвае нападаючы «Гомеля» Цімафей Сіманенка, які забіў восем мячоў. На гол менш у актыве абаронцы «Іслачы» Яўгена Юдчыца.

БЕЛТА