20.07.2026 - 10:25

Беларуска Ірына Курачкіна стала прызёрам прэстыжнага міжнароднага турніру па барацьбе памяці Імрэ Паяка, Яноша Варгі і Іштвана Козмы ў Будапешце.

У першым крузе турніру ў вазе да 57 кг Ірына перамагла Тамару Долак з Венгрыі, але ў чвэрцьфінале ўступіла кітаянцы Хун Кэсінь. У суцяшальным раундзе беларуска прайшла яшчэ адну мясцовую спартсменку Розу Сенттамашы, а ў схватцы за трэцяе месца з лікам 9:2 нанесла паражэнне Жале Аліевай з Азербайджана. Год таму Курачкіна таксама выйграла бронзу турніру ў Будапешце. Ірына з'яўляецца трохразовай чэмпіёнкай Еўропы і прызёрам Алімпійскіх гульняў.

Яшчэ адна беларуска Анастасія Зімянкова на старце спаборніцтваў у катэгорыі да 76 кг адолела саперніц з Казахстана і Рэспублікі Карэя, але завяршыла выступленні на стадыі чвэрцьфіналу. Усяго нашу краіну на мемарыяле Паяка, Варгі і Казмы прадстаўлялі восем чалавек. Блізкая да медаля была Вераніка Іванова (да 62 кг), якая пацярпела няўдачу ў паядынку за бронзу.

СБ