12.06.2026 - 12:51

Хатні матч ФК «Днепр–Магілёў» адбудзецца 14 чэрвеня на стадыёне «Спартак» у рамках Чэмпіянату Рэспублікі Беларусь па футболе «BETERA–Вышэйшая ліга» сезона–2026. Магілёўская каманда прыме «Арсенал» з Дзяржынска.

Магілёўскі клуб запрашае балельшчыкаў каманды і аматараў футбола далучыцца ў гэты дзень да гульні і падтрымаць футбалістаў.

Праграмай правядзення спартыўнага мерапрыемства запланавана інтэрактыўнае суправаджэнне. Так з 16:30 на ўваходзе стадыёна «Спартак» будуць працаваць: гістарычная фотазона; лазертаг і анімацыйныя гульні; рыцарскае шоу; зоны з настольнымі гульнямі; футбольная фотазона; выступленне дыджэя і вядучага; танцавальнае шоу ад групы падтрымкі «Lionesses»; музычныя нумары перад матчам; латарэя з крутымі падарункамі; продаж клубнай атрыбутыкі; аўтограф–сесія з удзелам паўабаронцы «Дняпра» Кірылы Кірыленкі.

Таксама прадугледжана работа гандлёвых аб'ектаў і фудкортаў.

У падарунак балельшчыкам будзе нанесены аквагрым.

У 17:20 на полі пачнецца размінка каманд, а 18:00 пачатак матча.

Рэд.