Хакеісты «Дынама-Шынніка» атрымалі перамогу ў першым перадсезонным матчы

Бабруйскі клуб «Дынама–Шыннік» удала пачаў падрыхтоўку да новага сезона Моладзевай хакейнай лігі.

У першым таварыскім матчы лета беларусы на «Бабруйск–Арэне» абгулялі «Дынама–СПб» з Санкт–Пецярбурга з лікам 2:1. Галамі за гаспадароў адзначыліся Ілля Сансевіч і Мікіта Мельнічонак. Наступны паядынак юныя дынамаўцы згуляюць дома 30 ліпеня супраць далёкаўсходняга «Тайфуна». З 5 па 7 жніўня «шыннікі» прымуць удзел у Кубку старшыні Бабруйскага гарвыканкама.

Таксама ў суботу сталічнае «Юнацтва» на сваім лёдзе правяло спарынг з «Адміралам» з Кантынентальнай хакейнай лігі, сустрэча скончылася перамогай клуба з Уладзівастока – 2:0. Абедзве шайбы госці закінулі апошнія дзве хвіліны паядынку.

БЕЛТА