16.02.2026 - 09:14

Бабруйскі клуб «Дынама-Шыннік» выйграў другі з двух матчаў чарговай выязной серыі ў рэгулярным чэмпіянаце Маладзёжнай хакейнай лігі сезона-2025/26.

У пятніцу, 13 лютага, падапечныя Яўгена Летава гасцявалі ў Кандапозе ў МХК «Дынама-Карэлія». Па ходзе стартавай трэці бабруйчане вялі з лікам 2:0 дзякуючы галам Дзмітрыя Хобяна і Мікіты Паўлава, але ў другім перыядзе гаспадары зраўнялі лічбы. У заключным адрэзку гульні перамогу «Дынама-Шынніку» (3:2) прынёс Ілля Лахноў, які вызначыўся за 4 хвіліны да фінальнай сірэны.

З гасцявога турнэ наша каманда вязе максімальна магчымыя чатыры ачкі, тры дні таму беларусы ў авертайме абгулялі пецярбургскую «Акадэмію СКА» (4:3). Бабруйскі клуб застаўся на сёмым месцы ў «Залатым» дывізіёне Заходняй канферэнцыі, набраўшы 61 бал за 47 сустрэч. Далей юных дынамаўцаў чакае пяціматчавая хатняя серыя, якую адкрые паядынак з падмаскоўным «Капітанам» 17 лютага.

БЕЛТА