10.04.2026 - 12:46

Упершыню горад над Дняпром стаў пляцоўкай для правядзення міжнароднага асабіста–каманднага чэмпіянату Беларускага фізкультурна–спартыўнага таварыства «Дынама» па рукапашным баі прыкладным.


Сёння ў спарткомплексе «Алімпіец» другі дзень праходзяць спаборніцтвы. На татамі пануе дух здаровага суперніцтва. Ва ўсіх вагавых катэгорыях спартсмены ўступаюць у напружаныя папярэднія паядынкі па правілах рукапашнага бою прыкладнога, які, дарэчы, з'яўляецца фундаментальным элементам прафесійнай падрыхтоўкі супрацоўнікаў сілавых структур.


Галоўны суддзя чэмпіянату Ігар Калошка: «Мэта нашых спаборніцтваў – не толькі ў выяўленні наймацнейшых, але і ў аб'яднанні розных сілавых ведамстваў паміж сабой, а таксама наладжванні ўзаемадзеяння з прадстаўнікамі саюзных дзяржаў. На трыбунах спарткомплексу ў якасці гледачоў шмат моладзі. Няхай назіраюць за сумленнымі паядынкамі, вучацца цягавітасці, заўсёды, як і нашы спартсмены, імкнуцца дасягнуць сваёй мэты».

Кастусь Касцюкевіч, Магілёўская абласная аргструктура БФСТ «Дынама»: «Я рады, што прадстаўляю Магілёўшчыну на гэтым знакавым маштабным турніры. Каманд шмат, хлопцы ўніверсальныя і падрыхтаваныя. Сапернік у мяне сёння ўстойлівы быў. Але я задаволены, што ў нашым паядынку атрымаў перамогу».

Руслан Чабанаў, Усерасійскае ФСТ «Дынама»: «З многімі хлопцамі з Беларусі, якія з'яўляюцца ўдзельнікамі чэмпіянату, мы ўжо сустракаліся на міжнародным турніры АДКБ. Вельмі спадабалася ваша краіна і людзі добразычлівыя. Турнір сабраў моцных зараджаных спартоўцаў. Цікава не толькі самому ўдзельнічаць у баях, але і хварэць за хлопцаў».

Ужо заўтра ў камандным і асабістым заліку стануць вядомыя пераможцы чэмпіянату БФСТ «Дынама» па рукапашным баі: на татамі пройдуць паядынкі за трэцяе месца і фінальныя сустрэчы. Удачы і баявога настрою ўдзельнікам спаборніцтва!


 mogilev.mvd.gov.by/ru