Сталі вядомыя вынікі адборачнага этапу «SuperПрофі-2024» у Магілёве

На базе ААТ «Магілёўліфтмаш» падвялі вынікі адборачнага гарадскога этапа рэспубліканскага конкурсу маладых работнікаў прадпрыемстваў, арганізацый і ўстаноў «SuperПрофі-2024». Адным з арганізатараў конкурса выступіла Магілёўскае гарадское аб'яднанне прафсаюзаў.

- Мы хочам заахвоціць лепшых маладых спецыялістаў, якія дабіліся поспехаў у сваёй прафесійнай дзейнасці і актыўна ўключаюцца ў грамадскае жыццё нашай краіны. Удзел у конкурсе дапамагае фарміраваць у моладзі імкненне да самаўдасканалення і гатоўнасць да актыўнага ўдзелу ў эканамічным жыцці рэгіёна, - адзначыў старшыня гарадскога аб'яднання прафсаюзаў Міхаіл Кулагін.

У гэтым годзе ў гарадскім этапе конкурсу прынялі ўдзел 12 маладых спецыялістаў, якія прадстаўляюць розныя прадпрыемствы і ўстановы Магілёва. Кожны з удзельнікаў падрыхтаваў відэаролікі, у якіх падзяліўся сваімі дасягненнямі і прафесійнымі кампетэнцыямі.

На абласны этап конкурсу выбралі трох канкурсантаў. У намінацыі «Super у працы з моладдзю» пераможцам стаў Уладзіслаў Казлоў, педагог дадатковай адукацыі Сацыяльна-гуманітарнага каледжа УА «Магілёўскі дзяржаўны ўніверсітэт ім. А. А. Куляшова». У намінацыі «Super установы адукацыі» ўзнагароду атрымаў Сяргей Архіпаў, кіраўнік па ваенна-патрыятычным выхаванні Сярэдняй школы №15 г. Магілёва. Таксама ў намінацыі «SuperПРОФІ ў сферы адукацыі і навукі» перамогу атрымаў майстар вытворчага навучання Магілёўскага дзяржаўнага электратэхнічнага каледжа Аляксандр Валчкоў.

- Сёння для маладых людзей адкрыты ўсе дарогі для прафесійнай і творчай самарэалізацыі. І наймальнікі і прафсаюзы заўсёды гатовы падтрымаць маладых людзей - бо менавіта яны з'яўляюцца драйверам усяго прагрэсіўнага ў нашым грамадстве, ужо сёння будуюць будучыню нашай краіны, - расказаў прафсаюзны лідэр Магілёва.

Усе ўдзельнікі атрымалі лісты падзякі ад арганізатараў і журы за актыўны ўдзел. Узнагароджаныя таксама мелі магчымасць азнаёміцца з вытворчым патэнцыялам ААТ «Ліфтмаш», наведаўшы прадпрыемства і ўбачыўшы яго працу знутры.

mogilev.1prof.by