Старшыня Магілёўскага абласнога выканаўчага камітэта Анатоль Ісачанка павіншаваў Ігара Бокага

Старшыня Магілёўскага абласнога выканаўчага камітэта Анатоль Ісачанка павіншаваў Ігара Бокага, які заваяваў пяць залатых медалёў на Паралімпійскіх гульнях у Парыжы.

«Вы прадэманстравалі найвышэйшы ўзровень падрыхтоўкі і майстэрства, праявілі па-сапраўднаму чэмпіёнскі характар, уменне змагацца да канца і перамагаць.

Такі вынік магчымы толькі ў самаахвярнага чалавека, які дасканала валодае сваім майстэрствам, умее ставіць мэты і пераадольваць сябе, па-сапраўднаму любіць спорт. Усё гэта ў вас ёсць. І Вы зноў паказалі высокі клас, стаўшы самым тытулаваным плыўцом у гісторыі Паралімпіяд», — гаворыцца ў віншаванні.

Анатоль Ісачанка пажадаў спартсмену здароўя, дабрабыту і далейшых поспехаў.

mogilevnews.by