Старшыня Магілёўскага аблвыканкама Леанід Заяц павіншаваў Ірыну Курачкіну з заваяваннем сярэбранага медаля ў Токіа

Беларуска Ірына Курачкіна стала сярэбраным прызёрам Алімпіяды ў жаночай барацьбе. Старшыня Магілёўскага аблвыканкама Леанід Заяц павіншаваў спартсменку з заваяваннем сярэбранага медаля ў Токіа.

Дарагая Ірына!           

Ад імя Магілёўскага абласнога выканаўчага камітэта віншую Вас з вялікім поспехам – сярэбраным медалём XXXII летніх Алімпійскіх гульняў!

Уся Магілёўшчына, уся наша Беларусь ганарацца вамі! Дзякуй за яркае выступленне на галоўных спартыўных спаборніцтвах планеты! Дзякуй за падораныя ўсім нам эмоцыі!

Заваяваць месца на Алімпійскім п’едэстале дарагога варта. Гэта вынік карпатлівай, упартай працы, высокага майстэрства, самааддачы, псіхалагічнай устойлівасці, веры ў свае сілы і глыбокага патрыятызму.

Вы ўжо ўпісалі сваё імя ў слаўную гісторыю спартыўнай Беларусі. Хай гэты поспех натхніць вас на новыя здзяйсненні і дазволіць замацавацца ў ліку наймацнейшых спартсменаў свету!

Поспехаў, настойлівасці і пышных перамог!

Старшыня Магілёўскага аблвыканкама Леанід Заяц