03.01.2025 - 10:24

Стартуе прыём заявак для ўдзелу ў конкурсе на суісканне прэміі ўрада за асаблівыя дасягненні ў розных сферах эканомікі. Аб гэтым паведамілі ў прэс-службе Міністэрства эканомікі.

Прэмія прысуджаецца грамадзянам або калектыву суіскальнікаў у колькасці не больш за шэсць чалавек за дасягненне вынікаў, якія аказалі істотны ўплыў на павышэнне канкурэнтаздольнасці вытворчасці і (або) эфектыўнасці эканамічнай дзейнасці, садзейнічалі росту якасці жыцця насельніцтва.

Будуць прысуджацца па дзве прэміі ўрада: за значны ўклад у развіццё вытворчасці і сферы паслуг (работ) і за дасягненні ў галіновай навуцы. Памер прэмій - 1 тыс. базавых велічыняў.

Заяўкі і матэрыялы для ўдзелу ў конкурсе на суісканне прэміі трэба накіроўваць у рэспубліканскі орган дзяржкіравання або аблвыканкам па прынцыпу падпарадкаванасці.

Юрыдычныя асобы без ведамаснай падпарадкаванасці падаюць дакументы ў аблвыканкам па месцы рэгістрацыі.

Прыём заявак будзе здзяйсняцца да 1 красавіка 2025 года.

БЕЛТА