Сучасны басейн для дзяцей і дарослых з'явіцца ў Слаўгарадзе ў 2025 годзе

Басейну ў райцэнтры не было, таму да гэтага часу людзі ездзілі ў іншыя гарады: Чэрыкаў, Краснаполле, Магілёў. Але сёлета ў Слаўгарадскім раёне, насельніцтва якога складае каля 13 тысяч чалавек (сам райцэнтр больш за 7,5 тысячы), з'явіцца басейн.

Генпадрадчыкам выступае «Магілёўабалсельбуд», узводзіцца басейн сіламі слаўгарадскай ПМК-274, якой дапамагаюць будаўнікі з Клімавіч і Магілёва.

- Сродкі на яго - сем з паловай мільёнаў рублёў - выдзяляе рэспубліканскі і абласны бюджэт. Каля чатырох з паловай мільёнаў з гэтай сумы ўжо асвоена, - распавёў намеснік старшыні Слаўгарадскага райвыканкама па будаўніцтве Уладзімір Новікаў. - Сучасны басейн агульнай плошчай 1300 квадратных метраў з двума чарамі для плавання - для дарослых і дзяцей, будзе карыстацца попытам, людзі будуць прыходзіць сюды сем'ямі.

СБ