Свята для дзяцей і бацькоў правядзе Магілёўскі абласны цэнтр творчасці 3 верасня

Культурна-масавае мерапрыемства «Дарогай натхнення і творчасці» пройдзе ў Магілёве 3 верасня. Аб гэтым паведамілі ў Магілёўскім абласным цэнтры творчасці.

Як расказалі ва ўстанове дадатковай адукацыі, падзея адбудзецца ў рамках Тыдня ўстаноў дадатковай адукацыі дзяцей і моладзі і збярэ педагогаў, хлопчыкаў і дзяўчынак і іх бацькоў на пляцоўцы Магілёўскага абласнога цэнтра творчасці.

Для ўдзельнікаў свята падрыхтавана насычаная праграма: прэзентацыя аб'яднанняў па інтарэсах; паказальныя выступленні юных спартсменаў; майстар-класы па выяўленчай і дэкаратыўна-прыкладной творчасці, экалагічным і тэхнічным напрамку; выставы дзіцячай творчасці, віктарыны па гісторыі і геаграфіі роднага краю; канцэртная праграма творчых калектываў; інтэрактыўныя пляцоўкі; фотазоны; экскурсія па Цэнтры і многае іншае.

Таксама будзе працаваць інфацэнтр, дзе хлопцы і іх бацькі змогуць пазнаёміцца з дзейнасцю Цэнтра і абраць для сябе аб'яднанне па інтарэсах. А святочны настрой усім прысутным падараць мастацкія калектывы Магілёўскага абласнога цэнтра творчасці.

Час працы пляцовак ад 10.00 да 14.00.

Рэд.