Сямейны сельгаспраект «Уладар вёскі» зменіць фармат

Аргкамітэт разгледзіць новы фармат правядзення рэспубліканскага фіналу сямейнага сельскагаспадарчага праекта «Уладар вёскі», паведаміла сакратар Цэнтральнага камітэта Беларускага рэспубліканскага саюза моладзі Вераніка Гудкова.

«Рэспубліканскі сямейны сельскагаспадарчы праект «Уладар сяла» вельмі спадабаўся сельскай моладзі. Мы бачым, што з кожным годам маладыя сем'і падыходзяць больш грунтоўна да ўдзелу ў ім. І чарговы гранд-фінал, які прайшоў у Александрыі, таму пацвярджэнне, - расказала Вераніка Гудкова. - У наступным годзе фінальную частку праекту плануецца правесці ў новым фармаце. Калі аргкамітэт прыме канчатковае рашэньне, будзем казаць пра гэта больш прадметна. Але з упэўненасцю можна сцвярджаць ужо сёння, што «Уладар сяла» - гэта не толькі адзін са знакавых праектаў БРСМ, але і брэнд моладзевай арганізацыі».

Паводле яе слоў, адразу пасля абвяшчэння вынікаў конкурсу і пераможцаў усе сем'і былі запрошаны на дыялогавую пляцоўку, дзе ў фармаце адкрытага мікрафона абмеркавалі такія тэмы, як традыцыйныя сямейныя каштоўнасці, важнасць патрыятычнага выхавання дзяцей з малых гадоў, магчымасці для маладых сем'яў, якія жывуць у вёсцы. «Якраз менавіта сем'ямі-фіналістамі былі прапанаваны новыя фарматы правядзення фіналу рэспубліканскага сямейнага сельскагаспадарчага праекта «Уладар вёскі», - дапоўніла сакратар ЦК БРСМ. - Прыемна адзначыць, што сем'і-пераможцы мінулых гадоў праявілі ініцыятыву ў правядзенні дыялогавай пляцоўкі «Сямейныя каштоўнасці ў сучасным свеце» і выступілі экспертамі».

У час дыялогавай пляцоўкі была прынята заява адносна дзеянняў Міжнароднай арганізацыі працы (МАП). «Беларускі рэспубліканскі саюз моладзі абураны сітуацыяй з запускам працэдуры прымянення супраць Рэспублікі Беларусь артыкула 33 статута Міжнароднай арганізацыі працы, што цягне за сабой ушчамленне правоў працуючай моладзі ў нацыянальнай эканоміцы, - гаворыцца ў заяве. - Саюз моладзі не падтрымлівае неабгрунтаваныя абвінавачанні аб невыкананні палажэнняў ратыфікаваных канвенцый і замацаваных статуце МАП прынцыпаў, якія датычацца выканання правоў, заключэння калектыўных дагавораў і пагадненняў. Ад імя тысяч працоўнай моладзі Беларусі, Рады працоўнай моладзі, байцоў студэнцкіх атрадаў заяўляем рашучы пратэст і заклікаем да адказнасці структуры ААН, якія ствараюць умовы для такіх рэзалюцый, якія парушаюць асновы правоў працоўнага чалавека. Мы патрабуем перагляду рэзалюцыі ў адносінах да нашай краіны і заклікаем да павышэння сумеснай адказнасці краін калектыўнага Захаду, якія выкарыстоўваюць Міжнародную арганізацыю працы як рычаг ціску на Рэспубліку Беларусь».

Сямейны сельскагаспадарчы праект «Уладар вёскі» рэалізуецца з мэтай папулярызацыі сельскагаспадарчай працы і побыту, а таксама павышэння ролі і значэння сям'і як найважнейшага сацыяльнага інстытута грамадства, фарміравання ў моладзі пазітыўнага стаўлення да традыцыйных сямейных каштоўнасцей. Арганізатарам рэспубліканскага фіналу выступаюць БРСМ, міністэрствы адукацыі, сельскай гаспадаркі і харчавання, Магілёўскі абласны выканаўчы камітэт пры падтрымцы Белаграпрамбанка.

БЕЛТА