Тэатр эстрады прыме ўдзел у міжнародным форуме ў Магілёве

Моладзевы тэатр эстрады прыме ўдзел у Міжнародным маладзёжным тэатральным форуме «Март-контакт – 2022», паведамілі ў тэатры.

«15-ы тэатральны форум «Март-контакт» пройдзе ў Магілёве з 21 па 27 сакавіка. У межах асноўнай праграмы будзе паказана 14 спектакляў з 4 краін: Арменіі, Беларусі, Малдовы і Расіі.

«22 сакавіка а 17.00 запланаваны паказ мюзікла-дэтэктыва «Джэк-патрашыцель» Моладзевага тэатра эстрады, які стаў найлепшым спектаклем у жанры «Аперэта, музычная камедыя, мюзікл» VI Рэспубліканскага конкурсу тэатральнага мастацтва «Нацыянальная тэатральная прэмія», – расказалі ў тэатры.

Мюзікл «Джэк патрашыцель» – гэта сапраўднае расследаванне з лагічным ланцужком падзей і вострым сюжэтам. Дынамічная музыка, арыгінальныя дэкарацыі і касцюмы дазволяць гледачам акунуцца ў атмасферу сапраўднага дэтэктыва.

БЕЛТА, фота тэатра эстрады