У Магілёўскім абласным метадычным цэнтры 19–20 лютага пройдзе семінар-практыкум «Тэндэнцыі развіцця беларускага народнага касцюма». Пра гэта паведамілі ва ўстанове культуры.
У мерапрыемстве прымуць удзел дырэктары і майстры раённых дамоў рамёстваў, метадысты цэнтралізаваных клубных сістэм па промыслах і рамёствах, кіраўнікі гурткоў дэкаратыўна-прыкладнога мастацтва, выкладчыкі дзіцячых школ мастацкіх рамёстваў.
Як адзначылі суразмоўцы, абласны семінар-практыкум праводзіцца з мэтай метадычнай і практычнай дапамогі ў галіне вывучэння асаблівасцяў строяў Магілёўшчыны і прымянення ведаў на практыцы. Падчас форума ўдзельнікі пазнаёмяцца з тэхналогіяй падрыхтоўкі асновы касцюма, традыцыйнымі прыёмамі яго афармлення: вышыўкай, ткацтвам, пляценнем, узаемазаменнымі элементамі аздаблення і іх выкарыстаннем у працы.
Часткай семінара стане выстава народнага майстра Рэспублікі Беларусь Вольгі Сыцікавай «Беларусь мая сінявокая».
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 09:27
12.07.2024 - 09:25
Ансамблі фальклорнай і народнай песні выступяць на рэгіянальным конкурсе ў Чэрыкаўскім раёне
08.07.2024 - 14:55
06.07.2024 - 18:14
Анатоль Маркевіч на свяце «Купалле»: толькі ў адзінстве мы можам тварыць і ствараць