Тралейбусны парк № 1 Магілёва ўпрыгожыў да свята тэрыторыю каля прадпрыемства і асноўныя вуліцы горада

 

Для стварэння святочнай атмасферы ў горадзе дастаткова было абшыць гірляндамі дзесяць машын і выпусціць іх на асноўныя маршруты. Кошт пытання - каля 40 тысяч рублёў. Такая бліскучая ва ўсіх сэнсах ідэя спадабалася магіляўчанам — фота і відэа навагодніх тралейбусаў літаральна апанавалі сацыяльныя сеткі.

Працаўнікі парку, якія іскрыць крэатывам, таксама падхапілі гэты навагодні настрой. Напрыклад, рамонтнікі Аляксандр Валюжанцаў і Якаў Звярака знайшлі ў сетцы эскізы і сваімі рукамі з металу і святлодыёднай стужкі вырабілі сімвал надыходзячага года. Зараз дракончык вагой прыкладна 80 кілаграмаў - улюбёнец мясцовай дзятвы. Разам з бацькамі тыя прыходзяць зрабіць яскравыя здымкі на памяць.

 

Экіпажы тым часам упрыгожваюць салоны тралейбусаў знутры. А вадзіцелі садзяцца за руль у касцюмах казачных персанажаў. Многія самі просяцца папрацаваць у навагоднюю ноч. Гавораць, падабаецца атмасфера і стаўленне людзей.

За некалькі дзён да свята начальнік службы арганізацыі руху Мікалай Васількоў і тэхнік па арганізацыі і кіраванні рухам Ірына Ануфрыева і зусім праехаліся па Магілёве ў касцюмах Дзеда Мароза і Снягуркі: віншавалі пасажыраў, частавалі цукеркамі.