19.12.2023 - 09:25

У Магілёўскай вобласці стартаваў Тыдзень дзіцячай бяспекі, паведамілі ва УУС Магілёўскага аблвыканкама.

Цягам тыдня ў рэгіёне будуць праходзіць тэматычныя мерапрыемствы. Супрацоўнікі ДАІ наведаюць установы адукацыі і нагадаюць школьнікам аб правілах дарожнага руху і неабходнасці быць акуратнымі і ўважлівымі на дарогах.

Асаблівую ўвагу ДАІ надасць вадзіцелям, якія перавозяць юных пасажыраў. Важна памятаць аб тым, што перавозка дзяцей у транспартным сродку павінна быць бяспечнай. Падчас руху па дваровых тэрыторыях вадзіцелі павінны выконваць хуткасны рэжым - не больш за 20 км/гадз. Пры пад'ездзе да пешаходных пераходаў неабходна загадзя змяншаць хуткасць і заўсёды саступаць дарогу пешаходам.

Тыдзень дзіцячай бяспекі ў Магілёўскай вобласці працягнецца да 22 снежня ўключна.

БЕЛТА