18.06.2024 - 12:57

Тыдзень горада Цяньцзінь Кітайскай Народнай Рэспублікі з 24 па 27 чэрвеня пройдзе ў Магілёўскай вобласці. Кітайская дэлегацыя возьме ўдзел у афіцыйнай цырымоніі адкрыцця ў Палацы культуры вобласці Тыдня горада Цяньцзінь і рэгіянальнага Беларуска-Кітайскага бізнес-форуму «Магілёўская вобласць і горад Цяньцзінь: 5 гадоў супрацоўніцтва», а таксама - фотавыставы культурных рэліквій Цяньцзіньскага музея «Яошы Цічжэнь» і выставырамёстваў і нематэрыяльнай культурнай спадчыны «Усходняя Элегантнасць» у абласным мастацкім музеі ім. П.У. Масленікава.

У рамках бізнес-форуму будзе арганізавана сумесная выстава тавараў прадпрыемстваў. Акрамя таго, на афіцыйным узроўні адбудуцца сустрэчы з кіраўніцтвам Магілёўскай вобласці і B2B перагаворы па пытаннях далейшага развіцця супрацоўніцтва паміж рэгіёнамі ў галінах эканомікі, гандлю, культуры, адукацыі, турызму.
 
Наведаюць прадстаўнікі Паднябеснай і шэраг сацыякультурных аб'ектаў, прымуць удзел у таварыскім матчы па настольным тэнісе сярод моладзі, форуме супрацоўніцтва ў галіне адукацыі, сумесным канцэрце творчых калектываў.
 
Юлія Таранава, фота Галіны Гаўрыловіч