У адзіны дзень азелянення ў Магілёўскай вобласці плануюць высадзіць каля 3,5 тыс. дрэў

У адзіны дзень азелянення ў Магілёўскай вобласці плануюць высадзіць каля 3,5 тыс. дрэў. Аб гэтым паведамілі ў абласным камітэце прыродных рэсурсаў і аховы навакольнага асяроддзя.

У Магілёўскай вобласці мерапрыемствы па пасадцы драўняна-хмызняковай расліннасці будуць праходзіць у Магілёве, раённых цэнтрах, сельскіх населеных пунктах, у тым ліку каля 6 помнікаў загінуўшым у гады Вялікай Айчыннай вайны.

«У гэты дзень у рэгіёне плануецца высадзіць сумесна з грамадскасцю каля 3, 5 тыс. дрэў і 2 тыс. кустоў, - распавялі спецыялісты. - У Магілёве мерапрыемства пройдзе на тэрыторыі парку Паднікольле. Тут высадзяць 100 дрэў ясеня звычайнага».

Абласны камітэт прыродных рэсурсаў і аховы навакольнага асяроддзя запрашае ўсіх жадаючых паўдзельнічаць у азеляненні роднага краю і тым самым унесці свой уклад у захаванне нашай прыроды.

Адзіны дзень азелянення праводзіцца па ініцыятыве Міністэрства прыродных рэсурсаў і аховы навакольнага асяроддзя.