У Беларусі ўдакладнілі парадак выкарыстання сродкаў сямейнага капіталу на атрыманне адукацыі

Міністэрства адукацыі скарэктавала інструкцыю аб выкарыстанні сродкаў сямейнага капіталу на атрыманне адукацыі. Гэта прадугледжана пастановай міністэрства ад 27 верасня 2023 года нумар 311, паведамляецца на Нацыянальным прававым інтэрнет-партале.

Прававым актам устанаўліваецца, што пералічэнне сродкаў сямейнага капіталу для атрымання адукацыі будзе рабіцца штогод. Пры гэтым памер сродкаў, якія выкарыстоўваюцца, не можа перавышаць кошту навучання за бягучы і (або) папярэдні навучальны год, у тым ліку для пагашэння існуючай запазычанасці за навучанне.

Пастанова ўступае ў сілу пасля яе афіцыйнага апублікавання.

БЕЛТА