Новая скейт-пляцоўка адкрываецца ў Быхаве. Пра гэта расказала дырэктар Быхаўскага раённага фізкультурна-аздараўленчага цэнтра Вольга Малашонак.
«Пляцоўка размесціцца на тэрыторыі нашай установы і будзе складацца з шасці базавых для гэтага віду спорту элементаў, розных па вышыні і памерах, – адзначыла Вольга Малашонак. – Ініцыятарамі стварэння такога сучаснага аб’екта сталі юныя быхаўскія райдары, а гарадскія ўлады пайшлі ім насустрач. У перыяд летніх канікул важна, каб дзеці не сядзелі перад экранамі тэлевізараў і смартфонаў, а праводзілі час на вуліцы ў жывых зносінах і пры здаровай фізічнай актыўнасці».
Аматары катання на роліках і скейтбордах зараз змогуць удасканальваць свае навыкі на рознага роду трамплінах, парэнчах і рознаўзроўневых горках, прызначаных для набору і захавання хуткасці руху. На тэрыторыі фізкультурна-аздараўленчага цэнтра будуць устаноўлены такія фігуры, як бэнк, кікер, фанбокс, кватэрпайп, рэйл і менуалпад.
«Кіраўніцтва райвыканкама накіравана на тое, каб у кожнай буйной гарадской зоне з’яўляліся спецыялізаваныя спартыўныя пляцоўкі для моладзі, – склала Вольга Малашонак. – Так, у мінулым годзе ў парку 50 гадоў Перамогі мы адкрылі варкаўт-пляцоўку. У гэтым установім абсталяванне для скейтараў. Магчыма, у будучым мы парадуем нашых дзяцей яшчэ адным новым спартыўным аб’ектам».
Пры выкарыстанні матэрыялаў актыўная гіперспасылка на mogilev-region.gov.by абавязковая
19.04.2024 - 10:37
Сяўба ранніх збожжавых культур завершана ў СВК «Калгас «Радзіма» Бялыніцкага раёна (відэа)
18.04.2024 - 13:38
18.04.2024 - 09:12
Уся тэхніка на пасяўной у чэрыкаўскім агракомплексе «Светлы» беларускай вытворчасці
17.04.2024 - 12:04
16.04.2024 - 16:54
У Кісялевічах пачалася рэканструкцыя Брацкай магілы воінаў і партызан