У Чавусах 5 лістапада пройдзе свята «Сустрэча з чэмпіёнамі»

У Чавусах 5 лістапада пройдзе свята «Сустрэча з чэмпіёнамі». На мерапрыемства, якое пачнецца ў 16.00 у мясцовым доме культуры, запрашаюцца ўсе жадаючыя.

Плануецца, што ўдзельнікамі сустрэчы стануць намеснік міністра спорту і турызму Вячаслаў Дурноў, старшыня ГА «Беларуская федэрацыя біятлона» Андрыян Цыбульскі, старшы трэнер мужчынскай зборнай Беларусі па біятлоне Алег Рыжанкоў, знакамітыя беларускія біятланісткі Дзінара Алімбекава, Ірына Крыўко, юныя спартсмены Чавускага раёна, ветэраны спорту.

Перад пачаткам мерапрыемства (у 15.30) арганізуюць аўтограф-сесію, падчас якой можна будзе зрабіць сэлфі і атрымаць аўтограф зорак беларускага спорту.

На пляцоўцы перад Домам культуры размесцяць тэхніку і стралковыя ўстаноўкі, якія Міністэрства спорту і турызму, федэрацыя біятлона перададуць чавускай СДЮШАР.