Багаты матэрыял па гісторыі роднага краю маецца ў школьным музеі Дашкаўскай сярэдняй школы. Адзін з раздзелаў прысвечаны Вялікай Айчыннай вайне і баявому шляху 385-ай Крычаўскай Чырванасцяжнай ордэна Суворава II ступені стралковай дывізіі, якая вызваляла Дашкаўку ў чэрвені 1944 года.
Калектыў школы актыўна супрацоўнічае з землякамі і сваякамі байцоў гэтай дывізіі. Так, гэтым летам удалося звязацца са сваякамі Героя Савецкага Саюза Шадзі Шаімава, які загінуў у чэрвені 1944 года, вызваляючы Дашкаўку.
– Мы правялі відэаканферэнцыю з Узбекістанам, у ходзе якой даведаліся, што ўсе гэтыя гады сваякі салдата марылі наведаць яго магілу, прывезці жменю роднай узбекскай зямлі, а таксама аддаць даніну павагі загінулым у гады Вялікай Айчыннай вайны, – расказала настаўнік беларускай мовы і літаратуры Алена Хадановіч.
На радзіме памятаюць пра подзвіг героя. У музеі, размешчаным у парку Перамогі ў Ташкенце, адноўлены момант рукапашнай сутычкі Шадзі Шаімава з немцамі. У родным горадзе Шахрызабз устаноўлены бюст герою, а школа, дзе ён вучыўся, названа ў яго гонар.
Інабат Айдзін Нармурадава, пляменніца Шадзі Шаімава, дала клятву сваёй маці пабываць на магіле дзядзькі.
– Мы будзем рады сустрэчы з гасцямі з Узбекістана. Нам ёсць што паказаць, расказаць пра подзвіг байцоў 385-ай Крычаўскай стралковай дывізіі, – дадала Алена Хадановіч.
У Дашкаўскай сярэдняй школе адзначылі, што ў верасні плануецца правесці тэлемост з навучэнцамі Шахрэзабзскай школы і расказаць ім пра подзвіг іх земляка.
Пры выкарыстанні матэрыялаў актыўная гіперспасылка на mogilev-region.gov.by абавязковая
20.03.2024 - 09:30
Школьны музей у Крычаўскай СШ №3 расказвае пра Вялікую Айчынную вайну
16.02.2024 - 09:31
Чым вызначыўся Асіповіцкі раён падчас Вялікай Айчыннай вайны
15.02.2024 - 10:05
25.01.2024 - 11:21
24.01.2024 - 16:27