У Клімавічах узнагародзілі пераможцаў ХХII Міжнароднага фестывалю дзіцячай творчасці «Залатая пчолка»

Названы пераможцы ХХII Міжнароднага фестывалю дзіцячай творчасці «Залатая пчолка», які прайшоў у Клімавічах.

Гран-пры заваявалі:

Намінацыя «Графіка» – Уладзіслаў Свяхоўскі, удзельнік гурта «Акадэмка» узорнай студыі выяўленчай і дэкаратыўна-прыкладной творчасці «Тон» дзяржаўнай установы дадатковай адукацыі «Магілёўскі абласны цэнтр творчасці» (педагог: Вера Галіноўская).

Намінацыя «Жывапіс» – Дар'я Дашкевіч, навучэнка Клімавіцкай ДШВМ (кіраўнік: Сяргей Петрачэнка).

Намінацыя «Эстрадны вакал. Салісты» - Макар Таранда саліст «Studio Play», г. Мінск (кіраўнік: Вольга Драздова).

Намінацыя «Салісты» - Аляксандра Пашкіна, навучэнка дзяржаўнай бюджэтнай агульнаадукацыйнай установы школа № 645 Пушкінскага раёна г. Санкт-Пецярбурга, Расійская Федэрацыя (кіраўнік: заслужаны работнік культуры Рэспублікі Карэлія Ларыса Кабак).

Намінацыя «Народны вакал. Ансамблі» – узорны ансамбль народнай песні «Танок» ДУА «Сярэдняя школа № 33 г. Магілёва» (кіраўнік: Аляксандра Рагалёва).

 mogilevnews.by