У Магілёўскай абласной станцыі пералівання крыві з пачатку пандэміі нарыхтавалі 165 л. імуннай антыкавіднай плазмы (відэа)

У Магілёўскай абласной станцыі пералівання крыві з пачатку пандэміі нарыхтавалі 165 літраў імуннай антыкавіднай плазмы. Такой колькасці донарскага прэпарату дастаткова, каб пры неабходнасці аказаць дапамогу 800 пацыентам з каранавіруснай інфекцыяй.

Паколькі бальніцы Магілёўскай вобласці паступова вяртаюцца ў штатны рэжым працы, адзначаецца рост планавых аперацый. А разам з гэтым і патрэбы ў кампанентах звычайнай донарскай крыві. Так, за мінулы год у абласной станцыі пералівання крыві нарыхтавалі 5 тыс. л. эрытрацытнай масы, 8 тыс. л. плазмы, 9 тыс. доз трамбацытаў. Лішняй донарскай крыві ніколі не бывае, бо яна можа спатрэбіцца кожнаму і ў любы момант.

ТРК «Магілёў»