20.11.2019 - 09:43

У Магілёўскай вобласці 28 лістапада з 11.00 да 13.00 упершыню пройдзе электронны кірмаш вакансій, які будзе даступны на сайце www.e-vacancy.by.

Удзел у кірмашы прымуць 24 прадпрыемствы рэгіёна.

Электронны кірмаш вакансій дазваляе ў анлайн-рэжыме забяспечыць прамы і актыўны дыялог наймальніка з саіскальнікам, якія тэрытарыяльна знаходзяцца ў розных месцах. Таксама прадугледжана магчымасць перадаць непасрэдна прадстаўніку наймальніка сваё рэзюмэ і задаць пытанні.

Саіскальнікі працы ў сваю чаргу атрымліваюць магчымасць загадзя (да дня правядзення электроннага кірмашу вакансій) азнаёміцца з інфармацыяй аб прадпрыемстве, выбраць прыдатнага наймальніка і падрыхтавацца да субяседавання.

Па заканчэнні мерапрыемства ўсе актуальныя вакансіі будуць даступны на партале службы занятасці www.gsz.gov.by, так што доступ да іх для ўсіх саіскальнікаў захаваецца.