RU BY EN 中文
Twitter Instagram

У Магілёўскай вобласці абновяць парк школьных аўтобусаў

У Магілёўскай вобласці абновяць парк школьных аўтобусаў. Сёлета плануюць закупіць 24 новыя машыны, паведамілі ў галоўным упраўленні па адукацыі аблвыканкама.

У Бялыніцкім і Магілёўскім раёнах чакаюць па тры аўтобусы. У Бабруйскім, Асіповіцкім, Кіраўскім і Шклоўскім – па два. У некаторых раёнах сёлета з’явіцца па адной новай машыне. У прыватнасці, яны паступяць у Быхаўскі, Горацкі, Глускі, Клічаўскі, Касцюковіцкі, Краснапольскі і іншыя раёны.

Паводле звестак аблвыканкама, для падвозу дзяцей у школы ў рэгіёне выкарыстоўваюць 225 адзінак транспарту. Новыя школьныя аўтобусы прыйдуць на змену тым, што адслужылі больш за дзесяць гадоў. Акрамя таго, у планах закупіць 8 спецыяльных аўтобусаў для перавозкі дзяцей з асаблівасцямі псіхафізічнага развіцця. Гэтая тэхніка павінна паступіць у Чавускі, Глускі, Быхаўскі, Круглянскі і іншыя раёны.

ТРК «Магілёў»

Пры выкарыстанні матэрыялаў актыўная гіперспасылка на mogilev-region.gov.by абавязковая