Дзяржаўнай праграмай па пераадоленні наступстваў катастрофы на Чарнобыльскай АЭС у гэтым годзе ў Магілёўскай вобласці прадугледжаны мерапрыемствы па далейшым сацыяльна-эканамічным развіцці пацярпелых рэгіёнаў.
У 2020 годзе выдзелены сродкі з рэспубліканскага бюджэту на прадастаўленне льгот і кампенсацый пацярпеламу насельніцтву, на арганізацыю бясплатнага харчавання навучэнцаў – больш за Br15 млн.
Што тычыцца ахоўных мер у сельскай гаспадарцы, то запланавана правесці вапнаванне на плошчы 5,3 тыс. га, унесці 5,3 тыс. тон фосфарных угнаенняў і 13,9 тыс. тон калійных угнаенняў, выканаць увесь комплекс іншых ахоўных мерапрыемстваў (гербіцыдная апрацоўка карняплодаў, выкананне рамонтна-эксплуатацыйных работ на ўнутрыгаспадарчых меліярацыйных сетках, забеспячэнне спецвопраткай і сродкамі індывідуальнай абароны, правядзенне радыялагічнага абследавання сельскагаспадарчых зямель і іншыя мерапрыемствы). На гэтыя мэты выдзелена з рэспубліканскага бюджэту больш за 19 мільёнаў рублёў. Для сельскагаспадарчых арганізацый, размешчаных на радыеактыўна забруджаных землях, набываецца сельскагаспадарчая тэхніка і абсталяванне.
У межах выдзеленых з рэспубліканскага бюджэту сродкаў на аднаўленне і развіццё пацярпелых раёнаў (больш за 20 мільёнаў рублёў) вядуцца работы па газіфікацыі прыродным газам жыллёвага фонду аграгарадка Халмы Краснапольскага раёна, а таксама шэрагу жылых памяшканняў у асобных населеных пунктах Слаўгарадскага, Чэрыкаўскага, Быхаўскага і Краснапольскага раёнаў. Таксама вядзецца рамонт дарог і будаўніцтва жылля для льготнай катэгорыі грамадзян у Быхаве і Бабруйску.
Сярод важных сацыяльных аб’ектаў – будаўніцтва радыялагічнага корпуса № 3 Магілёўскага абласнога анкалагічнага дыспансера, дзіцячага садка на 75 месцаў у Слаўгарадзе і біятлоннага стрэльбішча і лыжаролернай трасы на тэрыторыі чавускай базавай школы-інтэрната.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.05.2024 - 11:00
15.05.2024 - 08:50
08.05.2024 - 17:03
Следчыя Магілёўскай вобласці на Лудчыцкай вышыні прынеслі прысягу на вернасць Айчыне і народу
06.05.2024 - 14:44
06.05.2024 - 12:24
Ровары і электраровары перадалі сацработнікам Краснаполля (відэа)