У Магілёўскай вобласці паступленні ў бюджэт ад здачы ў наём памяшканняў павялічыліся на Br99 тыс.

Больш за Br1,6 млн заплацілі за 2019 год у бюджэт жыхары рэгіёна, якія здаюць жылыя і нежылыя памяшканні ў наём. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці.

Як адзначылі суразмоўцы, у параўнанні з мінулым годам паступленні ў бюджэт павялічыліся на Br99 тыс. Усяго на ўліку ў інспекцыях Магілёўшчыны знаходзіцца 9886 такіх грамадзян, што на 574 чалавекі больш, чым у мінулым годзе.

Найбольшая колькасць плацельшчыкаў у інспекцыях па Бабруйску – 2 574 чалавекі, або 26% ад агульнай колькасці, у Ленінскім раёне Магілёва –2 361 (23,9%), Кастрычніцкім раёне Магілёва – 1 635 (16,5%). Найменшая – у інспекцыях па Быхаўскім і Бабруйскім раёнах.