У Магілёўскай вобласці працягваецца кампанія імунізацыі супраць інфекцыі COVID-19

У Магілёўскай вобласці працягваецца кампанія імунізацыі супраць інфекцыі COVID-19. Дзякуючы вакцынацыі забяспечваецца каласальная перавага, паколькі вакцына дазваляе сфарміраваць імунітэт без захворвання і магчымага развіцця ўскладненняў. Вакцынацыя з’яўляецца найбольш хуткім і эфектыўным спосабам узяць вірус пад кантроль.

Па стане на 13 кастрычніка першую дозу вакцыны атрымала 306,7 тыс. чалавек або 30,6% ад насельніцтва вобласці, поўны курс завяршыла больш за 207 тыс. чалавек (20,7%).

У разрэзе кантынгентаў прышчэплена: работнікаў сістэмы аховы здароўя – 93,7%; асоб, якія пражываюць ва ўстановах з кругласутачным знаходжаннем (дамы-інтэрнаты) – 97,4%; спецыялістаў сістэмы сацыяльнага абслугоўвання насельніцтва – 86,8%; спецыялістаў сферы адукацыі – 81,1%.

З улікам рызыкі развіцця неспрыяльных наступстваў перанесенай інфекцыі COVID-19 праводзіцца вакцынацыя асоб, старэйшых за 61 год –прышчэплена 47,8% ад кантынгенту – і асоб з хранічнымі захворваннямі –прышчэплена 72,6% ад кантынгенту.

Працягваецца праца па імунізацыі ў працоўных калектывах, асабліва такіх сфер, якія маюць павышаныя рызыкі інфікавання і распаўсюджвання інфекцыі – гандаль, грамадскае харчаванне, ЖКГ, сфера абслугоўвання і г. д.

Так, на сённяшні дзень прышчэплена 47,8% работнікаў гандлю і грамадскага харчавання; 68,5% сферы бытавога абслугоўвання; 38% работнікаў транспартных арганізацый; 45,7% работнікаў ЖКГ, энерга- і водазабеспячэння; 37,8% работнікаў культуры і спорту.

У буйных гандлёвых цэнтрах горада Магілёва і Бабруйска арганізаваны прышчэпачныя пункты ад COVID-19:

Горад Магілёў:

ГЦ «Атрыум», вул. Першамайская, 57. Час працы: 11.00–18.00 (Пн–Нд);

ГЦ «Е-сіці», вул. Гагарына, 79. Час працы: 13.00–19.00 (Пн–Пт), 10.00–14.00 (Сб–Нд);

ГЦ «ГІПА», вул. Маўчанскага, 6. Час працы: 12.00–19.00 (Пн–Пт), 11.00–17.00 (Пт–Нд);

ТЦ «Армада», вул. Лазарэнкі, 73б. Час працы: 12.00–18.00 (Сб–Нд);

ГЦ «Парк-Сіці», Мінская шаша, 31. Час працы: 12.00–19.00 (Пн–Пт), 10.00–14.00 (Сб–Нд).

ГЦ «Арбат», Пушкінскі праспект, 12. Час працы: 13.00–19.00 (Пн–Пт).

Медыцынскі пункт чыгуначнага вакзала, Прывакзальная плошча. Час працы: 14.00–17.00 (Пн–Пт).

Горад Бабруйск:

ГЦ «Абсалют» (вул. Мінская, 133). Час працы: 10.00–12.00 (Пн–Пт);

Гіпермаркет «Еўраопт» (вул. Мінская, 111). Час працы: 16.00–18.00 (Пн–Пт);

Гіпермаркет «Карона» (вул. 50 год ВЛКСМ, 33). Час працы: 15.00–17.00 (Пн–Пт);

У суботу і нядзелю пункты вакцынацыі горада Бабруйска: ГЦ «Абсалют», гіпермаркет «Еўраопт», гіпермаркет «Карона» працуюць з 11.00 да 19.00.

Акрамя таго, у рэгіёне працягваецца маштабная інфармацыйна-тлумачальная работа з насельніцтвам па пытаннях прафілактыкі каранавіруснай інфекцыі.

Дарэчы, рызыцы заражэння каранавіруснай інфекцыяй схільны любы чалавек, незалежна ад узросту, прафесіі. Прымаючы рашэнне аб вакцынацыі, неабходна памятаць аб наступных момантах:

– вакцынацыя паказана ўсім дарослым, старэйшым за 18 гадоў.

– вакцынацыя істотна зніжае рызыку захворвання і прадухіляе яго цяжкую плынь.

– вакцыны ад COVID-19 не ўтрымліваюць жывы каранавірус – асобы, якія атрымалі вакцыну, не могуць ад яе захварэць COVID-19.

Вакцынавацца можна і трэба, нават калі перанеслі каранавірусную інфекцыю ў мінулым (правяраць узровень антыцелаў перад прышчэпкай не абавязкова, вакцынавацца можна пасля поўнага выздараўлення і знікнення клінічных сімптомаў інфекцыі; перахварэлым дапушчальна адкласці прышчэпку, але не больш чым на 3–6 месяцаў пасля перанесенай інфекцыі COVID-19).

Зрабіць прышчэпку ад COVID-19 можна ў арганізацыі аховы здароўя па месцы жыхарства, працы і ў пунктах вакцынацыі горада Магілёва і горада Бабруйска.