У Магілёўскай вобласці праходзіць праверка органаў кіравання тэрытарыяльнай абароны

Другі этап комплекснай праверкі органаў кіравання тэрытарыяльнай абароны Магілёўскай вобласці пройдзе з 19 па 30 красавіка. Пра гэта паведамілі ў Міністэрстве абароны.

Мэта праверкі–ацэнка гатоўнасці да разгортвання тэрытарыяльнай абароны вобласці і эфектыўнасці працы службовых асоб органаў кіравання тэрытарыяльнай абароны па кіраўніцтве яе падрыхтоўкай.

У ходзе другога этапу комплекснай праверкі плануецца ацаніць мабілізацыйную гатоўнасць тэрытарыяльных войскаў і кіраўнічую дзейнасць службовых асоб органаў кіравання тэрытарыяльнай абароны, вызначыць адпаведнасць арганізацыі фарміравання тэрытарыяльных войскаў і прымянення сіл тэрытарыяльнай абароны патрабаванням нарматыўных прававых актаў, ацаніць стан запасаў матэрыяльных сродкаў, прызначаных для забеспячэння войскаў тэрытарыяльнай абароны, і адпаведнасць умоў іх захоўвання, аказаць практычную дапамогу службовым асобам у павышэнні якасці выканання пастаўленых задач.

БЕЛТА